දිව්‍ය එඬේරාණෝ

සමිදාණෝ මා එඬේරණෝය  

අගහිඟ මට නොවන්නේය  

එතුමාණෝ සුනිල් තණ බිම් මත මා සතපවා 

නිසල දිය වෙත පමුණුවා 

මා පණගන්වන සේක .

සිය නාමයේ මහිමය සැලසෙන ලෙස 

දමිටු මග මා ගෙනයන සේක.

මරණය වැනි ගනදුරු රුදුරු නිම්නය මැදින් ගියත් 

ඔබ මා සමග බැවින් ,

මට කිසි බියක් නොවන්නේය .

ඔබේ කෙවිටද සරයටියද 

මා නියත සැනසිල්ල වන්නේය .

ඔබ මාගේ සතුරන් එදිරියේදී  

මංගල බොජුනක් පිලියෙලකරදී 

මා සිරස තෙලින් ආලේප කරන සේක .

මාගේ කුසලාන උතුරා යන්නේය .

ඔබේ දයාව හා කරුණාව 

නියතව ,දිවිහිමියෙන් මා අනුව එන්නේය .

සමිදුන්ගේ නිවාසය

මාගේ සදාතන වාසය වන්නේය .